Presido No Dey Shack Ogogoro

Naija people dem,

Dem dey gossip gossip,

Dem dey yan say

Presido no dey sharp,

Dem dey yan say

Presido only sabi chop chop.

For newspaper

Dem dey write write.

For radio

Dem dey talk talk.

For television

Dem dey talk talk.

Dem dey yan say

Presido dey lavish money.

Naija people dem,

Dem don carry yan go facebook,

Dem don carry yan go twitter.

For blackberry sef

Dem dey ping ping,

Dem dey yan say

Presido wife no sabi nak gramma.

Di bad bad yan

Wey dem dey yan be say

Presido dey shack ogogoro.

All na lie lie,

Presido na coffee im dey drink,

Presido no dey shack ogogoro,

For that one

Me, wey be Abatalk

I go swear for Presido.